එක එක රටවලට එන වාහන වල වෙනස්කම් තියෙන්නේ ඇයි ?

 

සමහර රටවල් වාහන අලුතින්ම මිලදී ගන්නවා සමහර රටවල් පාවිච්චි කරපු වාහන මිලදී ගන්නවා ඒ ඒ අයගේ ආර්ථිකයට හරියන විදියට . සල්ලි තියන මිනිස්සු අලුත් ඒවා ගන්නවා නැති අය පාවිච්චි කරපුවා ගන්නවා .

සමාගමක් විදියට පාවිච්චි කරපු වාහන විකීනිමට වඩා අලුත් වාහන විකුනන එක තමා අරමුන . ඒ නිසා ඒ අය තමන්ගේ කර්මාන්තශාලා ලෝකයේ විවිධ රටවල ස්ථාපනය කරනවා . ඒ කරලා ඒ අයට යම්කිසි රටවල් ප්‍රමාණයක් ( ප්‍රදේශයක් ) දීලා ඒ රටවලට අවශ්‍ය විදියට වාහන නිෂ්පාදනය කරලා විකුනනවා . එකම කර්මාන්තශාලාවකින් විවිධ අවශ්‍යතා අනුව හදන්න අපහසුයි ඒ වෙනස්කම් අනුව එක එක කර්මාන්තශාලාවලට බාරදුන්නාම වැඩ පහසුයි වගේම ඉක්මන් .

තව නැව් ගාස්තු අඩු වීම , අඩු මුදලට ශ්‍රමිකයන් සොයාගන්න පුළුවන් වීම වගේ කාරනා නිසා අර පාවිච්චි කරපු වාහන ගන්න රටවට තරමක් මිල අඩුවෙන් වාහන විකුනන්න පුළුවන් . එතකොට සමහර පිරිසක් අලුත් වාහන මිලදී ගන්න පෙලඹෙනවා . තව දෙයක් තමා එක එක රටවල තියන වාහන පිලිඹද නීති ඒවා අනුව වාහන නිපදවන්න ඕනේ . තවත් කාරනයක් තමා ඔරිජිනල් වාහනයේ තියන සමහර දේවල් සමහර රට වල පාවිච්චි කරන්නෑ ඒ නිසා ඒවා සමාගමෙන්ම අයින් කරලා එවනවා . උදාහරණයකට ඇඩ් බ්ලූ අපේ රටෙත් ඇඩ් බ්ලූ අයින් කරනවා , මැද පෙරදිගට හදන වාහන වල ඇඩ් බ්ලූ අවශ්‍ය නැති විදියට නිෂ්පාදනය කරන්නේ . ඒ වගේම ඒ වාහන වල එන්ජිම ගියර් පද්ධතිය වගේ දේවලත් වෙනස්කම් තියනවා . මේ වගේ හේතු නිසා වාහනවල මිල සැලකිය යුතු ලෙස අඩුවෙනවා .

ඉන්දියාවේ SCANIA, VOLVO , MAN වගේ වාහන නිෂ්පාදනය කරලා ආසිනු රටවලට , මැදපෙරදිග රටවලට අපනයනය කරනවා . යුරෝපයේ තියන වාහනයි ඉන්දියාවේ හදන වාහනයි අතර වෙනස්කම් ගොඩක් තියනවා .

 

 

𝕄𝕪 𝕊𝕖𝕞𝕚 𝕋𝕣𝕦𝕔𝕜 𝕕𝕣𝕚𝕧𝕚𝕟𝕘 𝕛𝕠𝕓 𝕒𝕥 𝔽𝕖𝕕𝔼𝕩- මගේ 𝔽𝕖𝕕𝔼𝕩 ට්රක් රියදුරු රැකියාව

 𝗩𝗜𝗗𝗘𝗢 𝗟𝗜𝗡𝗞 𝗖𝗟𝗜𝗖𝗞 𝗛𝗘𝗥𝗘

"මේ කන්ටේනර් එක අරන් දවසකට කිලෝමීටර් දාහක් යනවා තනියම... දවස් පහක් එක දිගට වැඩ...." අඩි 80ක් දිග කන්ටේනරයක් පදවන, සිරිමාලි.

පෙනුමින් මෘදු මොළොක් ගති පැවතුම් තිබුණත් කාන්තාවක් කියන්නේ කායිකව මෙන්ම මානසිකවත් පිරිමියෙකුට නොදෙවෙනි ශක්තිමත් චරිතයක් කිව්වොත් නිවැරදියි.

එය එසේ වුවත් සමාජයට බියෙන් තමන්ගේ ජීවිත ඇතුළෙ අනුන්ගේ හීන පැළ කරගෙන ඒවට පණ දෙන්න වෙර දරන කාන්තාවෝ වැඩි පිරිසක් අප අතර සිටිති.

ඒ අතරේ පිරිමින්ටවත් හිතන්න බැරි යකඩ සිහින දකිමින් ඒවා සැබෑ කරගන්න උත්සාහ කරන කාන්තාවනුත් නැතුවම නොවේ. ලංකාවේ ඉපදී මේ වන විට ඇමෙරිකාවේ ජීවත් වෙමින් ලංකාවේ අපට දකින්නට තියා හිතන්නටවත් නොහැකි අඩි 80 දිග විශාල කන්ටේනර් රථයක් දිනකට කිලෝ මීටර් දාහක් ධාවනය කරන අපේ රටේ යකඩ ගැහැනියක් ගැනයි මේ පවසන්නේ.

අපේ රටට මෙන්ම සියලුම කාන්තාවන්ට ඇය අභිමානයක් වන නිසාම මෙවර කාන්තා දිනයේදී ඇය ගැන රටට කියන්නට අපි අදහස් කළා.

හීන මොනතරම් දුර වුනත්, දුෂ්කර වුණත් ඒවා සැබෑ කරගත හැකි බවට හොඳම උදාහරණය ඇයයි. සිරිමාලි ගුණතිලක මේ යකඩ ගැහැනියගේ නමයි.

සහෝදරියන් දෙදෙනෙකු සිටින පවුලේ බාලයා වූ ඇයගේ ගම මතුගමයි. ගමේ පාසලෙන් උසස් පෙළ දක්වා අධ්‍යාපනය ලබන ඇය පුංචි කාලේ ඉඳලම සිතන පතන විදිය වෙනස් වූ නිසාම ඇයට තිබුණේ වෙනස්ම විදියේ සිහින ටිකක්. බාලයා වූ නිසාම ටිකක් කොලු වැඩ කරන්නම දඟකාරකම් දැක් වූ ඇයට තාත්තාගේ මෝටර් බයිසිකලය පදින්න ඉගෙන ගන්න තිබුණෙත් පුදුම ආසාවක්.

වෘත්තියෙන් පියාද රියදුරකු වූ නිසාම ඇයටත් ඒ ජවය යටි හිතේ කොතැනක හෝ තිබෙන්නට ඇති. අද වන විට අමෙරිකාවේ පුරවැසිභාවය හිමිකරගෙන සිටින සිරිමාලි සමග කතා කළ අපට ඇගේ ජීවිතය ජයගත් ආකාරය ගැන කියන්න අමතක කළේ නැහැ.

“ගමේ ඉස්කෝලෙන් ඉගෙනගෙන උසස් පෙළ අවසන් කළාට පස්සේ මට ඕනෑ වුණේ ජීවත් වෙන්න රැකියාවක්. ඒ නිසා මගේ මුල්ම රැකියාව විදියට සණස බැංකුවේ අවුරුදු පහක් විතර සේවය කළා. ඉතින් මේ කාලයේ මට තේරුණා මේ ලැබෙන වැටුප ජීවත් වෙන්න හොඳටම ප්‍රමාණවත් මදි කියලා. ඒ වගේම මට ඒ දවස්වල ඉංග්‍රීසි ඉගෙනගෙන සුද්දෙක් වගේ ඉංග්‍රීසියෙන් කතා කරන්න තිබුණේ පුදුම පිස්සුවක්. ඒ නිසා මම හොටෙල් පැත්තට යන්න තීරණය කළා. මේ ෆීල්ඩ් එකත් එක්ක මට ඉංග්‍රීසි හදාගන්න පු`ඵවන් වෙනව වගේම ටිකක් විනෝදජනක රැකියා ක්ෂේත්‍රයක්නේ. ඒ නිසා මම හරි ආසාවෙන් හොටෙල් ෆීල්ඩ් එකේ රැකියාවකට ආවා.

ජීවිතේ සමහර වෙලාවට නපුරු දේවල් සිද්ධ වෙන්නෙම තවත් සුබ දෙයක් සිදුවෙන්න කියලා මට දැනුණා. මගේ ජීවිතේත් ඒවගේ අත්දැකීමක් තියනවා. සුනාමිය එන්නේ මේ කාලෙදී. ඒකෙන් අපි හිටිය හොටෙල් එකට ලොකු අලාභයක් සිද්ධ වුණා. අලුත් වැඩියා කටයුතු සිදුකරනතුරු කාලයක් එය වහලා දාන්න සිදු වුණා.

මෙහෙම ඉද්දි අපි හිටිය හොටෙල් එකේම මම අඳුනන කෙනෙක් හොටෙල් ෆීල්ඩ් එකටම ඩුබායිවලට යන්න උදවු කළා. මට

මේ වෙනකොට මම ඉංග්‍රීසිත් තරමක් දුරට හදාගෙන තිබුණු නිසා මම ඩුබායිවලට ගියා. දෙමාපියන්ගෙන් පවුලේ අයගෙන් කිසිම බාධාවක් තිබුණෙ නැහැ. ඒ අය මම ගන්න තීරණවලට උදවු කළා. ලෝකයේ කොහේ ගියත් වාසනාව අපි හොයාගෙන එනවා. මගේ ජීවිතේ වෙනස් වෙන්නෙත් ඒ විදියට.

ඉතින් දවසක්, ඩුබායිවල මම හිටපු හෝටලයේ කාමර විස්සක් අමෙරිකන් නේවි එකේ අයට වෙන්කරල තිබුණා. ඒ අතරේ කෙනෙක් හිටියා ඩුබායි පොලිසියේ වැඩකරන ගමන් පාට් ටයිම් නේවි හිටිය කෙනෙක්. මෙයා මාත් එක්ක වැඩිපුර හිතවත් වුණා.

කාලයත් එක්ක ඉතින් ඔහු මගේ ජීවිතේට විශේෂ පුද්ගලයෙක් වුණා. එයා මට කැමති වුණු නිසා අපි ලංකාවට ඇවිත් මගේ දෙමාපියන්ගෙන් අවසර අරන් එයාලගෙත් කැමැත්ත මත විවාහ වෙලා අපි දෙන්නම අමෙරිකාවේ පදිංචියට ගියා. ඔහු අමෙරිකානු ජාතිකයෙක් නිසා විවාහයෙන් පස්සේ මටත් ඒ රටේ පුරවැසිභාවය ලැබුණා.

එහේ පදිංචියට ගිහින් සති කිහිපයකින් වගේ මම හරිම පුදුම දෙයක් දැක්කා. එක ගැහැනු කෙනෙක් අඩි අසූවක් පමණ දිග කන්ටේනර් එකක් පදවගෙන එනවා. මම මීට කලින් කවදාවත් ගෑනු කෙනෙක් ඒ විදියට දැකල තිබුණේ නැහැ. ඒක මගේ සැමියට නම් පුදුමයක් නෙවෙයි. මම පුදුම වෙලා ඒ ගැන අහද්දි ඔහු මට කිව්වේ මේ රටේ ගැහැනු අයට ඕනෑ දෙයක් කරන්න නිදහස තියනවා මේක මෙහෙ සාමාන්‍ය දෙයක් පුදුම වෙන්න දෙයක් නෙවෙයි කියලා. ඇත්තමට මට ඒ වෙලාවේ ඒ ගැන ආසාවක් ඇතිවුණා. මාස කිහිපයක් යද්දි මට ඒ ගැන ආසාව දිගටමට තිබුණ නිසා මගේ සැමියා මට කිව්වා ඔයා කැමති නම් ඒ පාඨමාලාව කරන්න කියලා. ඒක මාස දෙකක පාඨමාලාවක්. ලංකාවේ මුදලින් ඒ පාඨමාලාව කරන්න ලක්ෂ අටක් විතර යනවා.

ඉතින් මම ඒ අභියෝගය බාර අරන් ඒක උවමනාවෙන් කළා. විශාල කැපකිරීමක් කරන්න වුණා.

මේ පාඨමාලාව ඉවරවෙලා ලයිසන් ගත්තදාට පහුවෙනිදම මට කන්ටේනර් රථයක් රැගෙන යන මේ රැකියාව ලැබුණා. එදා මම පුදුමයෙන් දැක්ක කන්ටේනර් රථය දැන් මගේ ඇස් ඉදිරියේ. මම සෑම කාන්තාවකටම කියන්නේ අපිට බැරි දෙයක් නැහැ. උවමනාවයි කැපකිරීමයි තියෙනවනම් ඕනෑම දෙයක් කරන්න ගැහැනියකට පු`ඵවන්. ගැහැනු දන්නේ නැහැ තමන්ට තියන ශක්තිය ගැන. භාණ්ඩ ප්‍රවාහනය කරන මේ විශාල කන්ටේනර් රථය අරන් මම දවසකට කිලෝමීටර් දාහක දුරක් යනවා තනියම. දැන් මටම කියලා කන්ටේනර් එකක් තියනවා. ඒ විදියට දවස් පහක් එක දිගට වැඩ.

මේ කන්ටේනර් එක කන්ටේනර් බොක්ස් දෙකකින් සමන්විත එකක්. අඩි 80ක් දිග මේ වාහනයේ ජියර් දොළක් තියනවා. ඇත්තටම මේක පොඩි කෝච්චියක් වගේ. මේ වාහනය ඇතුළෙ ඇඳක්, පුංචි කාමරයක් ඇතුලු සියලුම පහසුකම් තියනවා. මේ රටේ වුනත් මේ වගේ ලොකු වාහනයක් ගෙනියන කාන්තාවෝ අඩුයි.

මම වැඩ කරන ආයතනයේ පිරිමි දාසය දෙනෙක් එක්ක මම විතරයි එක කාන්තා රියදුරෙකුට ඉන්නේ. ඒ ගැන මට තියෙන්නේ ලොකු ආඩම්බරයක්. ඒ වගේම කියන්න ඕනෑ මට මේ ගමනෙදි බාධාවක් වුණේ භාෂාව විතරයි. ඉංග්‍රීසි දැනගෙන හිටියත් මෙහෙ අය භාෂාව ශබ්ද කරන විදිය කතාකරන විදිය වෙනස්නේ.

ඉතින් සමහර වෙලාවට මට මොකුත් තේරෙන්නේ නැහැ. දෙතුන් වතාවක්ම නැවත නැවත අහනවා. නමුත් දැන් ඒක කිසිම ගැටලුවක් නැහැ. මෙතෙන්ට එන්න රෑ දවල් නොතකා වැඩ කළා. වැඩට යන්න අවදි වෙන්නේ රෑ දොළහ හමාරට විතර. එක වෙද්දි වැඩට ඉන්න ඕනෑ. හැම දෙයක්ම තාක්ෂණයෙන් වැඩ. සේවයට පැමිණීම වාර්තා කිරීම, වැඩ අවසන් කිරීම මේ හැමදේම ඇප් තුනක් හරහා සිද්ධ වෙන්නේ තමන්ගෙම ජංගම දුරකථනයෙන්. කාලය නාස්ති වෙන්නේ නැහැ. ඕන රැයක ගැහැනු අයට එළියේ වැඩ කරන්න පු`ඵවන්. නිදහසක් ජීවිතයක් තියනවා.

ඇය ඇගේ කතාව අවසන් කළේ ජයග්‍රාහී සිනාවකින්. පහසුවෙන් අත්පත් කරගන්න තියා හිතන්න වත් බැරි සමහර හීන හැම හදවතක් ඇතුළෙම තියනවා. හැබැයි ඒ ඉලක්ක ජය ගන්න නම් ඒ වෙනුවෙන් අප්‍රමාණ කැප කීරීම් කරන්නට වෙනවා. හැමෝම නොකරන අසාමාන්‍ය දෙයක් තවත් කෙනෙක් කරන්න ගත්තාම ඒ දෙස වැඩි දෙනෙක් බලන්නේ ටිකක් අමුතු විදියට. එහෙම අත්දැකීම් ඔබටත් ඇති. ඒ කොහොම වුණත් කෙනෙක් ඉහළට යන්න උත්සාහ කරන මොහොතේ ගල් මුල් ගැසීමට බොහෝ දෙනෙක් සිටියත් ඔවුන්ට එය කරන්නට හැකි වන්නේ සීමාවකට පමණයි. ගල් මුල් ගැසීමට නොහැකි මට්ටමට ඉහළට ගිය පසුව ගල් ගැසූ සියලු දෙනා නරඹන්නන් පමණක්ම වෙනවා.

 

සටහන: නයනා උදයංගනී සිරිකත 

 

 

 

 

𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 ඉතිහාසය සහ වත ගොත.

𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 තමන්ගෙ ට්‍රක් රථය 𝐀𝐂𝐓𝐑𝐎𝐒 නමින් බර වාහන වෙළෙඳ පොළට ගෙන එන්නෙ වර්ශ 1996 දීයි. ඒ වැඩි බරක් රැගෙන දිගු ගමන් වාරයන් සඳහා වූ බර වාහන වෙළෙඳ පොළ ඉලක්ක කරගෙනයි. ඊට ප්‍රථමයෙන් ට්‍රක් රථ ක්ෂේත්‍රයේ ඉතා ප්‍රසිද්ධියටත් ජනාදරය සහ විශ්වාසයට ලක් වූ ඔවුන්ගේ 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐒𝐊 වර්ගයේ ට්‍රක් රථයට ආදේශකයක් ලෙස ද, 𝐀𝐂𝐓𝐑𝐎𝐒 හී ආගමනය සැලකීමට පුළුවනි. වර්ශ 1996 දී හඳුන්වා දුන් 𝐀𝐂𝐓𝐑𝐎𝐒 ට්‍රක් රථය වැඩි දියුණු කර වර්ශ 2002 දී 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 II ලෙස නව සංස්කරණයක් වෙළෙඳ පොළට පැමිණි අතර වර්ශ 2007 දී 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 III ලෙස නව කාණ්ඩයක් ලෙස පැමිනෙන්නේ ඊට ප්‍රථම 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 II හී වැඩි දියුණු කිරීම් සහ අඩුපාඩු මඟහරවා ගනිමිනි. 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 III ට්‍රක් රථය ඉතා සාර්ථක ට්‍රක් රථයක් වූ අතර ඔවුන්ගේ මීළඟ සංස්කරණය ලෙස 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 IV වර්ශ 2011 එලිදැක්විණි.

 

𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝗠𝗣𝗜 නැතිනම් 1996 එලිදැක්වූ පළමු 𝐀𝐂𝐓𝐑𝐎𝐒 කාණ්ඩයේ සිට වර්ථමානයේ නිශ්පාදනය වන 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 𝐀𝐂𝐓𝐑𝐎𝐒 𝗠𝗣𝗜𝗩 දක්වා ට්‍රක් රථ වලට 𝗦𝘁𝗿𝗮𝗶𝗴𝗵𝘁 𝗦𝗶𝘅 𝗖𝘆𝗹𝗶𝗻𝗱𝗲𝗿 තාක්ශණය සහිත 𝗘𝗻𝗴𝗶𝗻𝗲 යොදා ගැණුනු අතර වර්ශ 2007 𝗠𝗣𝗜𝗜𝗜 කාණ්ඩයේ ට්‍රක් රථ V8 සහ V6 තාක්ශණය සහිත 𝗘𝗻𝗴𝗶𝗻𝗲 සමඟ මිළ දී ගැනීමට හැකි විය. මෙහිදි OM501 𝗘𝗻𝗴𝗶𝗻𝗲 එක ලීටර 12ක V6 එන්ජිමක් වූ අතර එයට අශ්ව බල 310 සිට 480 දක්වා පරාසයක බලයක් ඇත. තවද OM502 වර්ගයේ එන්ජිම V8 වර්ගයේ එන්ජිමක් වූ අතර එයට අශ්ව බල 350 සිට 650ක් දක්වාවූ පරාසයක බලයක් ඇත. 2011 සිට මේ දක්වා නිශ්පාදනය වන 𝗠𝗣𝗜𝗩 කාණ්ඩයේ ට්‍රක් රථ සඳහා යොදා ගැනෙන්නෙ Euro 6 තාක්ශණය හා රෙගුලාසි වලට යටත්ව නිශ්පාදනය වන L6 වර්ගයේ එන්ජින් වර්ගයන් වේ. OM471 එන්ජිම ලීටර 12.8ක අශ්ව බල 422 සිට 530 දක්වා වූ බල පරාසයකින් යුක්ත වන අතර ලීටර 15.6ක OM473 එන්ජිම අශ්ව බල 517 සිට 625 දක්වා බලයක් සතුවේ. තවද එම එන්ජින් එක් 𝗰𝘆𝗹𝗶𝗻𝗱𝗲𝗿 එකකට 𝘃𝗮𝗹𝘃𝗲 4ක් බැගින් ද, 𝗰𝗮𝗺-𝘀𝗵𝗮𝗳𝘁 2 කින්ද සමන්විත ඉතා ප්‍රවේගකාරි එන්ජින් වෙයි.

 

Gearbox එක ගැන සඳහන් කරන විට දෙවන කාණ්ඩයේ ට්‍රක් රථ වල සිට 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 ආයතනය ඔවුන්ගේම 𝗧𝗿𝗮𝗻𝘀𝗺𝗶𝘀𝘀𝗶𝗼𝗻 පද්ධතියක් භාවිත කරයි. එය 𝗧𝗲𝗹𝗹𝗶𝗴𝗲𝗻𝘁 𝗚𝗲𝗮𝗿𝗯𝗼𝘅 නමින් හඳුන්වන අතර එය ස්වයංක්‍රීයව ක්‍රියාත්මක වේ. එය ක්‍රියාත්මක වීමට ට්‍රක් රථයේ 𝗙𝗶𝗳𝘁𝗵 𝗪𝗵𝗲𝗲𝗹 එක හා සමගාමීව සවි කල 𝗦𝗲𝗻𝘀𝗼𝗿 එකක් සහිත පරිගණකයක සහය ලබා ගනී. මෙම පරිගණකය මගින් ට්‍රක් රථයේ ට්‍රේලරයේ සහ භාණ්ඩවල බර සහ ට්‍රක් රථයේ ආනතිය (කන්දක හෝ බෑවුමක) අනුව නිවැරදිම ගියරය තීරණය කරයි. තවද මෙම ස්වයංක්‍රීය ගියර් පද්ධතිය ක්‍රියා විරහිත කර රියදුරාට අවශ්‍ය පරිදි 𝗚𝗲𝗮𝗿𝗯𝗼𝘅එක හැසිරවීමේ හැකියාවද පවති. තවද 𝗧𝗲𝗹𝗹𝗶𝗴𝗲𝗻𝘁 𝗚𝗲𝗮𝗿𝗯𝗼𝘅 එක රහිතව පූර්ණ අයාන්ත්‍රීක ( 𝗠𝗮𝗻𝘂𝗮𝗹 𝗚𝗲𝗮𝗿𝗯𝗼𝘅 ) වලින්ද 𝐀𝐂𝐓𝐑𝐎𝐒 𝗠𝗣𝗜, 𝗠𝗣𝗜𝗜 සහ 𝗠𝗣𝗜𝗜𝗜 කාණ්ඩයන් මිළදී ගත හැකි විය. 2011 සිට වර්ථමානය වන තෙක් නිශ්පාදනය වන 𝗠𝗣𝗜𝗩 කාණ්ඩයේ ට්‍රක් රථ වල ඇත්තේ 𝗧𝗲𝗹𝗹𝗶𝗴𝗲𝗻𝘁 𝗚𝗲𝗮𝗿𝗯𝗼𝘅 එක පමණී. ඒ පාරිභෝගිකයාට උපරිම ඉන්ධන කාර්‍යක්ශමතාවක් ලබා දීම 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 ආයතනයේ අරමුණ වන නිසායි.

 

𝐀𝐂𝐓𝐑𝐎𝐒 ට්‍රක් රථයේ ප්‍රධාන වශයෙන් කැබින් ( 𝗖𝗮𝗯 ) වර්ග හතරකි. එනම්,

1. දෛනික කටයුතු සහ දෛනික බෙදාහැරීම් සඳහා නිමවුණ " 𝐒 " කැබ් එක. කුඩා ලොරි රථ සහ සිමෙන්ති ට්‍රක් රථ සඳහා භාවිත වෙයි. කුඩා වහලයක් සහ රියදුරු නිදන කොටස රහිතයි. නාගරික බෙදාහැරීම් සඳහා ඉදිරිපස බෆර් එක ( 𝗕𝘂𝗺𝗽𝗲𝗿 ) පොළවට ආසන්නව පිහිටන ලෙසද, ඉදිකිරීම් කටයුතු වල භාවිතයන්ට ගැලපෙන ලෙස ඉදිරිපස බෆර් එක පොළව මට්ටමේ සිට හැකිතාක් ඉහලට වන සේ නිර්මාණය කර ඇත.

2. මධ්‍ය දුර බෙදා හැරීම් සහ කටයුතු සඳහා නිර්මාණය වුණ මෙම කැබ් එකෙහි, රියදුරු නිදන කොටස අන්තර්ගත වුවද එහි සැප පහසුව මූලික අංගයක් කරගෙන නැත. නමුදු දිගි කාණ්ඩයෙන්ද මෙම කැබ් රථය දැක ගත හැක.

3. විශේෂයෙන් පහත් කරන ලද වහලය සහිත කැබ් එක. විශේෂයෙන්ම මෙය නිර්මාණය කරන ලද්දේ මෝටර් රථ බෙදාහැරීම සඳහා වූ ට්‍රේලර් එක සම්බන්ධ කර ගැනීමටයි. එහිදී ට්‍රේලරයේ අතිරික්ත කොටසක් කැබින් එකෙහි කුඩා වහලයට ඉහලින් පිහිටන අතර, ඒ මත කුඩා මෝටර් රථ දෙකක් හෝ සාමාන්‍යය වෑන් රථයක හෝ සාමාන්‍යය ප්‍රමාණයේ මෝටර් රථයක් තබාගෙන යෑමට ඉඩ සැලසේ. දිගු දුර ධාවනය ඉලක්ක කරගෙන නිපදවන මෙම කැබින් එකේ සුඛෝපභෝගී නිදන කොටසක් දකින්නට පුලුවනි.

 

4. දිගු දුරක් වැඩි සැප පහසුවෙන් ගමන් කිරීම සඳහා විශේෂයෙන්ම රියැදුරුගේ සියලුම අත්‍යාවශ්‍යතා ට්‍රක් රථයට එක් කිරීම අරමුණු කරගත් ඉතා ඉහලින් නිර්මාණය වුණු වහල කොටසත්, නිදන කොටස අන් සියළු කැබින් වලට වඩා විශාලත්වයකින් නිමවුණ මෙම කැබින් එක "මෙගා ස්පේස්" ( 𝗠𝗲𝗴𝗮𝗦𝗽𝗮𝗰𝗲 ) යන නමින් හැඳින්වෙයි. ඉතා සුඛෝපභෝගී කැබින් එකක් වන මෙම කැබ් එක සහිත 𝐀𝐂𝐓𝐑𝐎𝐒 වර්ගයේ ට්‍රක් රථයක මිල සාමාන්‍යය ට්‍රක් රථයක මිල මෙන් දෙගුණයකට ආසන්නය. ඇතුලත පෙනුමද, නිමැවුමද "ලෙදර්" භාවිතයෙන් නිමවා ඇත.

ආරක්ෂක උපක්‍රම පිළිබඳව සලකන විට 𝐀𝐂𝐓𝐑𝐎𝐒 ට්‍රක් රථ වල 𝗟𝗮𝗻𝗲 𝗗𝗲𝗽𝗮𝗿𝘁𝘂𝗿𝗲 𝗪𝗮𝗿𝗻𝗶𝗻𝗴 𝗦𝘆𝘀𝘁𝗲𝗺 (මංතීරු වෙනස් වන්නේ නම් රියදුරුට එය දන්වන 𝗔𝗹𝗮𝗿𝗺 එක), 𝗖𝗿𝘂𝗶𝘀𝗲 𝗖𝗼𝗻𝘁𝗿𝗼𝗹 (ඒකාකාර වේගයෙන් ධාවනයට යොදාගන්නා විශේෂ පහසුකම) සහ 𝗕𝗹𝗶𝗻𝗱 𝗦𝗽𝗼𝘁 𝗖𝗮𝗺𝗲𝗿𝗮 (රියදුරුගේ දර්ශන තලයට හසු නොවන සීමා කැමරාවක් ආධාරයෙන් රියදුරුගේ අවධානයට යොමු කරවීම) වැනි සේවා නම් කල හැක.

 

2011 දී 𝐌𝐄𝐑𝐂𝐄𝐃𝐄𝐒 𝐁𝐄𝐍𝐙 ආයතනය හඳුන්වා දුන් ඔවුන්ගේ නවතම 𝐀𝐂𝐓𝐑𝐎𝐒 මාදිලිය වැඩි දියුණු කොට නැවතත් 2018 දී එලි දැක්විය. එය " 𝙏𝙝𝙚 𝙉𝙚𝙬 𝙈𝙚𝙧𝙘𝙚𝙙𝙚𝙨 𝘽𝙚𝙣𝙯 𝘼𝙘𝙩𝙧𝙤𝙨 𝙈𝙞𝙧𝙧𝙤𝙧𝘾𝙖𝙢 " නමින් හඳුන්වයි. එහි සුවිශේෂීම පහසුකම වන්නේ ට්‍රක් රථයට පිටින් පැති කණ්නාඩි නොතිබීමයි. ඒ වෙනුවට අධිතාක්ෂණික කැමරා කිහිපයකින් ට්‍රක් රථය සමන්විත වීමයි. මෙහි තිබෙන විශේෂත්වය වන්නේ මෙම අධිතාක්ෂණික කැමරා මගින් ලබාගන්නා දර්ශණ සුපැහිදිලි තිර කිහිපයකින් ට්‍රක් රථයේ රියදුරුට පෙන්වීමයි. මෙම කැමරා අධික මීදුම්, වැසි සහ විවිධ අයහපත් කාළගුණ තත්වයන් යටතේ වුවද ඉතා සුපැහැදිලි දර්ශනයන් රියදුරුට ලබා දෙයි. ට්‍රක් රථයේ සිට ට්‍රේලරය දක්වා දිග මැනීමටත් එම මැනුම් උපයෝගි කරගෙන පිටුපස ඇති වස්තුවක ඇති ගැටීමක් හෝ අනතුරක් සිදුවීමට පෙර එය රියදුරුට දන්වයි. රියදුරුගෙන් නිසි ප්‍රතිචාරයක් නොලැබෙන්නේ නම් ට්‍රක් රථයේ තිරිංග ක්‍රියාත්මක කිරීමට ට්‍රක් රථයේ පරිගණකයට අදාල විධාන ලබාදීමටද මෙම කැමරා වලට හැකියි. තවද 2018 හඳුන්වා දුන් මෙම ට්‍රක් රථයේ කැබින් එක ඇතුලත සම්පූර්ණ වෙනසක් සිදුවී තිබේ. ට්‍රක් රථයේ විවිධ පහසුකම් ක්‍රියාත්මක කිරීමට ඇති බොත්තම් බොහොමයක් අඟල් 10ක ස්පර්ශක තිරයක් ආධාරයෙන් ක්‍රියාත්මක වෙයි. සාමාන්‍යය ට්‍රක් රථයක ඇති තිර (𝗗𝗶𝘀𝗽𝗹𝗮𝘆) ගණනට වඩා 𝙈𝙞𝙧𝙧𝙤𝙧𝘾𝙖𝙢 රථයේ තිර ගණන ඉතා වැඩිය.

1990 , 1997 , 1999 , 2004 , 2009 , 2012 , 2020 යන වසර වල 𝙏𝙍𝙐𝘾𝙆 𝙊𝙁 𝙏𝙃𝙀 𝙔𝙀𝘼𝙍 සම්මානය ලබා ගෙන ඇත .

ලංකාවේ දැනට දකින්නට ඇත්තේ 𝐀𝐂𝐓𝐑𝐎𝐒 𝗠𝗣𝗜, 𝗠𝗣𝗜𝗜, සහ 𝗠𝗣𝗜𝗜𝗜 වර්ගයේ ට්‍රක් රථ පමණි.

සැකසුම වෙනුවෙන් විශේෂ ස්තූතිය :- ප්‍රගති අසීමිත සොයුරාට

Trucks on Duty Sri Lanka

 

𝗣𝗔𝗖𝗖𝗔𝗥 𝗠𝗫-𝟭𝟯 එන්ජිම

නිතරම අපි වාහන ගැන කතා කරනවා , ඒත් ඒ වාහන වලට පණ දෙන්නේ එන්ජිමෙන් . ඒ නිසා අද ලංකාවෙත් දකින්න ලැබෙන සුලබ රථයක් වෙන DAF XF රථයට පණ දෙන PACCAR MX-13 එන්ජිම ගැන විස්තර ටිකක් ඉදිරිපත් කරන්න හිතුනා . 

PACCAR MX-13 12.9 L Inline 6 Cylinder එන්ජිමක් . මෙම එන්ජින් වල උපරිම බලය දෙන එන්ජිම 530 HP වෙනවා එයින් 2600 Nm ටෝර්ක් එකක් නිපදවෙනවා . 

Paccar සමාගමට DAF , PETERBILT , KENWORTH සමාගම් වල හිමිකාරීත්වය සතුයි . ඒ නිසා එම සමාගම්වල රථ සදහා PACCAR MX-13 එන්ජිම භාවිතා කරනවා . 

🔰DAF :- XF මාදිලිය

🔰PETERBILT :- 579 , 389 , 567 මාදිලි
🔰KENWORTH :- T 410 මාදිලිය 

 

✳️PACCAR MX-13 315
✳️PACCAR MX-13 355
✳️PACCAR MX-13 399 මෙම එන්ජින් වර්ග තුන DAF රථ සදහා යොදා ගනුලබනවා . 

 

✳️PACCAR MX-13 340 
✳️PACCAR MX-13 375 KENWORTH T 410 මාදිලිය සදහා යොදාගනු ලබනවා . 

මෙම එන්ජිම ඉන්ධන කාර්යක්ෂමතාව , කල්පැවැත්ම , ක්‍රියාකාරීත්වයෙන් ඉහල සංකීර්ණත්වය අඩු එන්ජිමක් . PACCAR සමාගම තම එන්ජින් වල ඉන්ධන කාර්යක්ෂමතාව , කල්පැවැත්ම , ක්‍රියාකාරීත්වය හොදින් පවත්වාගැනීමට පරීක්ෂණ පවත්වා , නව අංග එකතු කිරීමට නිතරම පරීක්ෂණ කටයුතු වල යෙදෙනවා එම පරීක්ෂණ කටයුතු වල ප්‍රතිඵලයක් ලෙස මෙම එන්ජිම සලකන්න පුළුවන් . ඒ වගේම යූරෝපා සංගමයේ රථවාහන නීති වලට අනුගත වන ලෙස මෙම කටයුතු සිදුකරනු ලබනවා . 

PETERBILT :-  579 , 389 , 567 මාදිලි සදහා භාවිතා කරන එන්ජින් ගැන තොරතුරක් හරියට දන්න කෙනෙක් පහතින් කමෙන්ට් කරන්න .

ඔයාලගේ අදහසුත් ඉදිරිපත් කරන්න වැරදි අඩුපාඩු තියනවානම් නිවැරදි කරන්න